Inatsisartut spiralilersuisimanermut utoqqatsertoqarnissaa pissutigalugu pisassat allanngortikkaat
Siulittaasoqarfiup spiralilersuisimanermut atatillugu pisortatigoortumik utoqqatsertoqarnissaa pissutigalugu Inatsisartut ataatsimiittarfianni sapaatip akunnerata tulliani pingasunngornermi pilersaarutit kinguartinniarlugit aalajangerpaa.
Spiralilersuisimaneq pillugu pisortatigoortumik utoqqatsertoqarnissaa pissutigalugu Inatsisartut ukiakkut ataatsimiinneranni ulloq ataatsimiiffissaq, septembarip 24-at allanngortinneqarpoq.
Allattoq Ivalu Nivi Johansen
septembarip 17-at 2025 12:19
Nutserisoq Connie Fontain
Spiralilersuisimanermut tunngatillugu suliami utoqqatsertoqarnissaata Katuami malunnartinneqarnissaa pissutigalugu Inatsisartut ataatsimiinnissartik kinguartippaat.
Tamanna pissutigalugu ullormi tassa akunneq apeqquteqarfiusinnaasoq immikkoortullu allat taamaatiinnarneqarput, septembarillu 26-annut kinguartinneqarlutik.
Inatsisartut siulittaasuat, Kim Kielsen tusagassiuutinut nalunaarummi oqarpoq.
Naalakkersuisut ministeriuneq Mette Frederiksen peqatigalugu Katuami septembarip 25-anni pingasunngornermi nalunaaqutaq 14.00 aaqqissuussissapput. Tassanilu spiralilersuisimanermi eqqugaasimasut pisortatigoortumik utoqqatserfigineqassallutik.
