Inatsisartuni ataatsimiititaliat ikilipput
![](/sites/default/files/styles/image_934x467/public/article_images/tuusi_inatsisartut_630_4.jpg?itok=vWiV4AAW)
Ataatsimiititalianut ilaasortat sulinerat nukittorsarniarlugu siulittaasoqarfimmi taama aalajangiisoqartoq Inatsisartut siulittaasuat Josef Motzfeldt oqarpoq.
- Siulittaasoqarfiup naatsorsuutigaa ataatsimiititalianik taamatut kattussinikkut suliassaqarfiit pissusissamisoortumik imminnut atasut, ataatsimiititaliamilu ataatsimi suliarineqarsinnaasut, suliarineqartarnerat nukittorsarneqassasoq, Josef Motzfeldt aamma oqarpoq.
Ataatsimiititaliat tallimat nutaat taaguuteqarput Inatsisinut Ataatsimiititaliaq, Akileraartarnermut- Kukkunersiuinermullu Ataatsimiititaliaq, Sanaartornermut- Avatangiisinullu Ataatsimiitititaliaq, Ilaqutariinnermut- Peqqissutsimullu Ataatsimiititaliaq aamma Pisuussutinut Ataatsimiititaliaq.