Imminut toquttarneq pillugu atuakkiaq saqqummersinneqarpoq
Atuagaq taaguuteqartoq Anatomie einer Nacht, atuakkanik naqiterisitsisarfimmit Tiderne Skifter-imit saqqummersinneqarami taaguutigaa 'En nat i Grønland' (tassa Kalaallit Nunaanni unnuaq). Atuagaq Tyskisut saqqummersinneqarnermini nersualaarneqaqaaq, kingullermillu aviisimit Informationimit, ileqqulersuutinut tunngasunik tv-kkut aallakaatinneqartartumut Twin Peaksimut assersuunneqarluni.
Anna Kim atuakkiassaminut tunngatillugu misissuilluni qaammatini marlunni Nunatsinniissimavoq, ilaatigut Tasiilamiissimalluni Kuummiuniissimallunilu. Taassuma inuusuttut oqaloqatigisarpai, inuunerat, takorluugaat soqutigisaallu oqaloqatiginnissutigisarlugit, taamaalillunilu Tunumi inuuneq paasisassarsiorfigisimallugu. Atuakkamili sammisaq nikallornartuugaluartoq, oqariartuutaa taamaanngilaq.
- Atuakkiara toqumut tunngasuunngilaq, annerusumik inuunermut tunngasuuvoq, siunnerusukkut KNR-imut taama oqarpoq.
Atuakkanik saqqummersitsisarfik Tiderne Skifter neriuppoq, atuagaq Nunatsinni atugaarniarfinnit aamma soqutigineqassasoq, taamaalilluni Nunatsinni aamma pisiarineqarsinnaaniassammat.
