Imigassat aalakoornartullit pillugit inatsit nutaaq aappaagumut kinguartinneqartoq
Inatsimmi ilaatigut imigassat aalakoornartullit pillugit pilerisaarutit inerteqqutiginiarneqarput, nangikkiartarnerillu pinngitsoortinniarlugit imigassat aalakoornartullit pisiniarfinni imerniartarfinnilu ammarsarfii sivitsorniarneqarlutik.
Pisiniarfiit ininik immikkoortunik imigassanik aalakoornartulinnik tuniniaavinnik pilersitsinissaannik inatsit aamma piumasaqaatitaqarpoq.
Aamma atuaruk Godthåb Bryghus: Immiaaraliorfiuteqartut eqqugaassapput
Tamannalu isornartorsiorneqarsimavoq taamaattumillu inatsisip suliarineqarneranut piffissaq sivisunerusoq atorneqartariaqarluni, Siumumeersoq Jess Svane Nuuk TV-mut taama oqarpoq.
- Inatsit paragrafit 70-it sinnerlugit imaqarpoq paasilluassagaannilu piffissaq sivisooq atorneqartariaqarluni.
Aamma nioqqutissanut immikkut ininik pilersitsisoqarnissaanut pisiniarfiutillit akerliunerat paasilluarsinnaavarput.
Brugsenimut Pisiffimmullu ajornartorsiutaavallaanngilaq, pisiniarfiilli mikinerusut ilarpassui tamatumunnga
akissaqarnavianngillat, Nuuk TV-mut taama oqarpoq.
Aamma atuaruk Politiit: Imerniartarfiit ammanerusalerpata eqqissisimanarnerulissaaq
Aamma atuaruk Imigassat aalakoornartullit ammasarneri sivitsorneqariaannaavoq
Aamma atuaruk Steen Lynge: Tunumi aalakoornartulinnik tuniniaaneq unikkallarli