Arfininngornerup ullaava: Imigassartorsimanermut attuumassutilinnik politiinut ulapiffiusoq
Pisullu taakku tigusarinnittariaqarnernik kinguneqarsimapput, Nunatsinni politiit pigaartuisa pisortaat, Ole Hald taama oqarpoq
Arfininngornerup ullaavani inuit arfinillit tigusarineqarput, taakkulu illoqarfinni assigiinngitsuni pisimapput, tamarmillu imigassartorsimanermut attuumassuteqarput.
Tingusarineqarsimasut massakkut iperangaareerput.
Inuit arfinillit tingusarineqarput
Nunatsinni politiit pingaartuisa pisortaata, tigusarinninnernut allaatiginninnera naapertorlugu: Nuummi marluk, Uummannami marluk, Ilulissani ataaseq Narsamilu ataaseq tingusarineqarsimapput - tamarmilli maannakkut iperangaareerput.
Unnuap ingerlanerani pisut allat, politiinik pisariaqartitsisoqartillugu orninguffineqartariaqartarsimapput, eqqisiviilliortitsinerit taavalu imigassartorsimanermut pisut attuumassuteqartut, tingusarinninnermik kinguneqartariaqarsimanngitsut, Nunatsinni politiinit eqqissisaajartorfigineqartarsimapput, pigaartut pisortaat taama paasissutissiivoq.
Unnuk Kulturisiorfik
Allallarluinnarmullu politiit suliaannut saatsillugu, ullumikkut unnuk kulturisiorfik nuna tamakkerlugu ingerlanneqassaaq, ilimagineqarsinnaavorlu inuppassuit aqqusinermi ingerlaarumaartut, nunatsinni politiit pigaartuisa pisortaat Ole Hald oqarpoq.
Sammisaqartitsinernut assigiinngitsunut atatillugu, nunatsinni politiit najuukkumaarput. Suliassalli sammisallu akuleruffigisariaqassallugit ilimaginngilaat. Politiillu neriuutigivaat pisut allalu, eqqissilluni nunannersumillu naammassineqarumaartut,taama naggasiivoq nunatsinni politiit pigaartut pisortaat, Ole Hald.