Ilulissat mittarfittaassarsuat siusinnerpaamik 2025-mi ammassaaq
![](/sites/default/files/styles/image_934x467/public/article_images/ilulissat_lufthavn.jpg?itok=7APXI-BQ)
Imarpik ikaarlugu timmisartut mittarfissaat Ilulissaniittoq piffissaq eqqorlugu naammassisinnaanngilaq, taamaammallu 2025-mi siusinnerpaamik atorneqarsinnaalernissaa ilimagineqalerpoq.
Sermitsiaq. AG taama allaaserinnippoq.
Sapaatip-akunneri pingasuinnaat matuma siorna Kalaallit Airports A/S neriuuteqarsimavoq Ilulissani suliniut angisooq 2024-p ingerlanerani naammassisinnaallugu, ullumikkulli allatut nipeqarpoq.
Læs ogsåDatoen for lufthavnens åbning er sat
- Aaqqiissutissat periarfissaasinnaasut piffissaliussallu nutarterneqarsimasut pillugit sanaartortitsisoq oqaloqatigaarput, sulili naammassinngilagut, attaveqaqatigiinnermut pisortaq Mikkel Bjarnø Lund oqarpoq nangillunilu:
- 2024-mi pinissaa ilimaginngilarput. Siusinnerpaamik 2025-mi pissaaq, kisianni erseqqinnerusumik oqaatigisinnaanngilara.
Ukioq ataaseq aatsaat qaangiuppat
- Ilulissani mittarfiliorneq isumaqatigiissummut sanilliullugu ajoraluartumik kinguaattoorujussuarpoq, Kalaalliit Airports A/S-ip attaveqaqatigiinnermut pisortaa, ilisimatitsivoq.
Sapaatip-akunneri arlaqanngitsut matuma siorna timmisartuutileqatigiiffiup Nuummi mittarfissap nutaap ammarnissaanut ulloq saqqummiuppaa, tassa 2024-mi novembarip 28-ani ammarnissaa. Sermitsiaq.AG ilisimatitsivoq
Ilulissani mittarfik tamatuma nalaani ammarneqarnissaa pilersaarutigineqarsimagaluarpoq.
Taamaattoqassanngilarli.
Taamanikkut Kalaallit Nunaanni atassuteqaatinut suliniutit annersaat naammassiniarlugu politikerit aalajangeramik piumasaqaataavoq mittarfiit marluk ataatsikkut sananeqarlutillu piareerneqarnissaat. Tamanna isornartorsiorneqarpoq, arlallit isumaqaramik avannaani sanaartornissaq aallartitsinnagu Nuummi sanaartornermi misilittakkat atorluarneqarpata pitsaanerussagaluartoq.