QIMMIT NAPPAATAAT Ilulissani qimmit akiuussutissaqaqqilerput

Avannaani qimminut nappaalaffioreersorlu qimmit maanna akiuussutissaqaqqilerput, akiuussutissallu naammattut, Avannaani uumasut nakorsaata Sanne Eline Wennerbergip oqaatigaa.
Assi © : Flickr Creative Commons/fgeoffroy
marsip 30-at 2016 13:04

- Qimmillit amerlasuut saaffiginnissasut ilimagilluinnarpara, sianerlutimmi saaffiginnittut arlaqalereerput. Aamma inuit akiuussutissaliisariaqarnertik ilisimassagaat, kommunip sullisigigaa, Sullissivimmilu akiuussutissanik pisisoqarsinnaalernissaa kommunip sulissutigigaa nalunngilara, uumasut nakorsaat Sanne Eline Wennerberg oqarpoq.

Aamma atuaruk Ilulissani akiuussutissaqanngilaq

Nunaqarfinni Saqqami Qeqertanilu qimminik mattussineq atorunnaarpoq, qimussillu Ilulissat qimallugit maanna aallarsinnaatitaalersut Qaasuitsup Kommuniata ilanngullugu nalunaarutigaa.

Aamma atuaruk Nunaqarfinni Saqqami Qeqertanilu qimminik mattussineq atorunnaarpoq

Taamaakkaluartoq uumasup nakorsaata qimmillit kajumissaarpai qimmitik pisarnertik malillugu perlerornissamut akiuussutissamik kiisalu nappaammut parvo-virusimut akiuussutissamik kapitittaqqullugit.