Ilulissani illorsuassamik titartaasoq Venedigimi nersorneqartoq

Dorte Mandrup saqqummersitsinermi, The International Architecture Exhibition of La Biennale di Veneziami suliamik takutitsinissaminut periarfissaqarsimavoq. DR nittartakkamini taama allaaserisaqarpoq.

- Maani Venedigimi Biennalenimiilluni isumaqartorujussuuvoq. Pisoq illussanik titartaasarnerup maanna sumi inissisimaneranik takutitsiffiuvoq. Aamma nalliuttorsiorfiorpalaarlunilu nuannersuuvoq, nunarsuarmi sumiiffippassuarnit inuit soqutiginaateqartut naapinneqarsinnaapput, illussanik titartaasartoq, Dorte Mandrup DR-imut oqarpoq.

AAMMA ATUARUK Nunatsinneersut Ilulissat Kangiata illorsuassaanik sanaartussasut

AAMMA ATUARUK Aningaasaateqarfik Illorsuassamut 16 millionit koruuninik tapiissuteqartoq

Danskip illussanik titartaasartup, 56-inik ukiullip Ilulissani illorsuassamik titartaanera Venedigimut peqataanissaanut qitiuvoq. 200 kvadratmeterini illorsuassaq nunatsinniittussaq pillugu saqqummersitsisoqarpoq. Saqqummersitsineq qullilersorneqarsimallunilu nipilersorneqarsimavoq,  illorsuassamullu assilisaq 1:12-imik angitigisoq takuneqarsinnaalluni.

 - Ilulissani illorsuassaq qaasuitsup killeqarfiani pissanganartorujussuarmiippoq. Ukiup ilarujussuani aputeqartarpoq, tassanilu sanaartornissaq ajornaatsuunani. Tamanna tunngavigissallu soqutiginartipparput, Dorte Mandrup, oqarpoq.

Venedigimi saqqummersitsineq Internationale Biennale ukioq manna maajip 26-annit novembarip 25-annut tamanut ammatinneqassaaq.

AAMMA ATUARUK Realdania Ilulissat kangerlua pillugu illorsuassamut 75 millioninik aningaasaliivoq

AAMMA ATUARUK Illorsuassaq takornariartitsinerup ineriartortinneqarneranut pingaaruteqarluinnartoq