Inuussutissarsiutit

Nunatsinneersut Ilulissat Kangiata illorsuassaanik sanaartussasut

Nunatsinni sanaartornermik suliffeqarfiup KJ Greenland A/S-ip Ilulissat Kangiata illorsuassaanik sanaartornissaanik Realdania By & Byg isumaqatigiissuteqarfigaa. Sanaartorneq aasaru aallartissaaq.
Assi © : Dorte Mandrup Arkitekter
Allattoq Kenneth Elkjær, Merete Lindstrøm
februaarip 28-at 2018 11:58
Nutserisoq Simon Uldum -

Tamannalu Avannaata Kommuniani borgmesterip Palle Jerimiassenip nuannaarutigaa.

- Iangiani illorsuassaq ingerlanneqaleruni kommunimi suliffeqarfinnik pilersitsillunilu takornariartitsinermik annertusaassaaq. Ilulissanilu aallaaveqartumik pingaarnertut suliffeqarfiutilinnik toqqaanikkut suliniut maannakkumiilli najukkami sumiiffiusumi suliffeqartitsinermut ilapittuuteqarnera aallarteriissaaq, tusagassiorfinnut nalunaarummi taama oqarpoq.

Ilulissat Kangiata illorsuassaanik suliniuteqarneq 2017-imili aallartippoq, sanaartorfissaq kommunimit taamani sanaartorfigissarneqarmat. Ilulissat Kangiatalu illorsuassaanik sanaartorneq 2020-mi naammassineqartussaq aasaru aallartinneqassaaq.

Illorsuassamut suleqatigiit tassaapput Namminersorlutik Oqartussat, Avannaata Kommunia, Realdania aamma Nordea-fondeni.

AAMMA ATUARUK Aningaasaateqarfik Illorsuassamut 16 millionit koruuninik tapiissuteqartoq

 

 

Aamma atuaruk

Inuussutissarsiutit

Issittumi umiarsuit sorsuutit marluk ukiuni 15-ini qamutilittarsinnaanngitsut

Politiit ullormut nalunaarusiaat: Tillinniartoqarlunilu tillinniariaraluartoqarpoq