Ilulissani ikuallaavimmi eqqumiitsorsiaq pillugu politiit: Maanna toqutsisoqarsimanera pillugu paasiniaavugut

Ilulissani politiit kuallaaviup eqqaa suli matoqqatippaat aammali misissuinerminniit nutaanik paasissutissanik nalunaaruteqarput.

Eqqaavinnut ikuallaavimmi eqqumiitsoqarneranik nassaarineqartoq tassaavoq: inuup timaata ilamernga, maannalu toqutsisoqarsimasinnaaneranik suliaq aallartinneqartoq, Ilulissani politiit tusagassiutinut nalunaarumminni allapput.

Politiit eqqaavinnut ikuallaavimmi misissuinertik maanna suli ingerlakkaat aamma erseqqissaatigineqarpoq.

Politiit aamma oqaatigaat inummik maqaasineqartumik ilisimasaqaratik taamaattumillu Ilulissani innuttaasut tamatuminnga ikiortiseralugit.

- Inuit sapaatip-akunnerata missaani ilaminnut attaveqarsimanngitsut maqaasineqarsimasinnaasullu matumani soqutigineruagut, politiit nalunaarumminni taama ilaatigut allapput.

Politiit oqarasuaammut 70 14 48-mut attavigineqarsinnaapput, tassa normumut 70 14 48-mut.

Politiit maanna Danmarkimut politiinut aammalu pinerluttoqarsimatillugu nakorsat inuup timaanik misissueqqissaartartut ikiortiseraat, taamatuttaaq paasiniaasartunik Nuummersunik ikiortiserinnipput.

- Maannakkorpiarli misissuineq suli ingerlammat qanorpiaq pisoqarsimaneranik nassuiaasinnaanngikkallarpugut, Ilulissani politiit taama nalunaarumminni allapput.