Tunumi Piteraq aarlerissutaasoq: Illut ajorluinnarput Iserillu iliuuseqarani

Tunumi novembarip qiteqqunnerani Piterarpoq, tamannalu ullumik ataatsimik sivisussuseqarpoq, piterarneranilu aserfallatsernerit takussaapput.

Polunika Umerinerup Kuummiuneersup qaquguugaluarnersoq Piteraqqippat illumi napaannarsinnaanissaa qularutigalugu oqaatigaa.

Aarlerinarlu tamanna imminut ilaquttaminullu unnuami eqeersoorutaasarpoq.

- Illup qaani pujoorfiup eqqaani putut nipittartumik ussissarpagut, matullu eqqaa erruummik ussissarlugu, Polunika Umerineq oqarpoq.

Taanna ilaquttanilu inigisaminnut 2020-mi nuupput, tassanilu Iseriffimmit inissiaq ajorpasinnani.

- Qalipaatilli ataani piviusoq allarluinnaasoq paasisarsivoq, siusinnerusukkullu attartortoq erngup aqqutaanik marloriarluni qaartoornikuusimalluni, taanna oqarpoq.

Susoqanngitsoq

Taamaammat Polunika Umerineq Tasiilami Iserimmut arlaleriarluni saaffiginnippoq, taassumalu oqarnera naapertorlugu Iserimmit alakkarterneqarumaartoq arlaleriarluni neriorsorneqarpoq, susoqarnerli ajortoq taanna oqarpoq.

- Taamaammat 2021-mili ernumalerpunga, ukioqqittaangallu ernumaqqilertarpunga, taanna oqarpoq.

Naallu Polunika Umerinerup Iserit arleriarluni attavigereeraluaraa susoqarnerlu ajoraluartoq taassuma sanasumik ataasiinnaanngitsumik arlalinnilli illu alakkarneqarsinnaassasoq neriuutigaa.

- Ukiummi marluk matuma siorna Piterarmat isaariap qalissiartaa tingigussaavoq, taamaasillunilu qisuup ataani qalipaat nutaajunngitsoq paasinarsilluni, taanna oqarpoq.

KNR-ip Iserit decembarip aqqarnani mailikkut attaveqarfigaa, Iserip attartukkat Piterarnerata kingorna aserfallassimasoq qanoq suliarisarneraat Polunika Umerinerullu saaffiginnissutigisarsimasarpassui sooq suli iliuuseqarfigineqannginnersut paasiniarparput.

Iserip KNR-ip saaffiginnissutaa suli uterfigeqqinngilaa/Iserit suliamut atatillugu apersorneqarusunngilaq.

Allakkatigut akissummi allappoq:

...