Illersornissaqarfiup 2033-p tungaanut suliassaanut aningaasat atugassat amerlassusissaannik isumaqatigiissusiortut

143 milliardit koruunit Illersornissaqarfiup ukiuni tulliuttuni qulini suliassaanut atussasut, Folketingimi amerlanerussuteqartut isumaqatigiipput.

Allattoq Helle Nørrelund Sørensen

juunip 29-at 2023 10:35

Nutserisoq Hanne Petersen

Aningaasat taama amerlatigisut, tassa 143 milliardit koruunit, Illersornissaqarfiup 2033-p tungaanut suliassaanut atorneqassasut, Danmarkip naalakkersuisuisa qaammammi uani siusinnerusukkut siunnersuutigaat.

Taamaalilluni aningaasat taakku qanorpiaq atorneqassanersut aasap kingorna isumaqatigiissusiortoqarsinnaalerpoq.

Tassa aningaasat milliardilikkuutaat taakku Illersornissaqarfiup sakkutuuinut, atortussaanut suliassaanullu qanorpiaq agguataarneqassanersut, Folketingimi partiit tamarmik, aamma partiit nunatsinneersut, taavalu nunatta Savalimmiullu naalakkersuisuisa isumaqatigiissutigissavaat.

Aamma atuaruk Illersornissamik isumaqatigiissutissaq tunngavileraat: Nunarput Illersornissaqarfiup sulineranit iluaqutissarsissaaq

Illersornissaqarfiup Atlantikup avannaani Issittumilu suliassai pillugit isumaqatigiissutissaq kunngeqarfimmi nunanit taakkunannga pingasunit tunngavilerneqartoq, ippassaq pingasunngornermi nalunaarutigineqarpoq.

Tassa ilaatigut nunatta Savalimmiullu inui, suliffeqarfii oqartussaasuilu Illersornissaqarfiup nunani taakkunani imartaannilu sulineranit iluaqutissarsinissaat, isumaqatigiissutissami tunngavilerneqarpoq.

Nutaarsiassami kukkunermik nassaarsimaguit uunga allaffigineqarsinnaavugut.