Ilisimatooq qaammaallannermik takunnissimasussarsiortoq
Air Greenlandip timmisartuutaani aquttoq, Tonny Fisker takunnittut ilagaat.
Taassuma dash 8-mik 6 kilometerit missaannik portutigisumiitsillutik qaamaneq ullorissallu anaa takusimallugu oqaluttuarpoq.
- Silammut qiviaratta takulerlutigu samia tungitsinniit talerpia tungaanut saarpiatsinni qulinnguatsinni ullorissap anaa sequtserluni Cnadap tungaanut nakkarpasittoq. Ersarittorujussuarmik isigivarput sungaartumik. lillamik tungujortumillu qalipaateqarluni sequtsertoq.
Niels Bohr Instituttimi ilisimatusartunut ikiortaasup Anton Norup Sørensenip allat ullorissamik anartumik takunnittartut oqaluttuartarneratigut ungasissutsimik oqaluttuartarneranut assingusorujussuunerarpaa.
- Takunnittut ungasissutsimik tunngavissaqartitsinatik qanittuararsuartut misigisarnerat nalinginnaasorujussuuvoq.
AAMMA ATUARUK Borgerne i Nuuk så kæmpe lysglimt
AAMMA ATUARUK Borgerne i Nuuk så kæmpe lysglimt
- Taamaammat timmisartoq ullorissap anaanit qaamasumit eqqorneqarnissaanut aarlerinartoqarpallaanngilaq, tassami pilotit takunninneranni minnerpaamik 20 kilometerinik portutigisumiissimassaaq.
Anton Norup Sørensenip takunnissimasut misigisaqarsimasullu tamarmik ildkugle.dk-mut iserlutik misigisaminnik nalunaarsuinissaat kaammattuuteqarfigai pingaartumik tusaasaqarsimasut.
- Innaallannermut atatillugu minutsialuit qaangiunneranni arlaat nipimik tusaasaqarsimappat tamanna immikkut soqutigilluinnarparput. Tamanna kallertutut imaluunniit ujaraaqqat torarneratut assingusumilluunniit nipeqarsinnaavoq.
Ilisimatusarnermi ikiortip qaammarnerani nipit ullorissap anaata nunarsuup silaannaanut appakaassimaneranik isumaqartartartoq nassuiaatigaa, taamaattoqaraangallu nunap naanut tuttoqarsimasinnaasarluni. Nipinullu paasissutissat sumut nakkarsimasinnaanerata sumiissusersisinnaanissaanut ikiuutaalluarsinnaapput.
- Aaneqarsinnaasuuguni tamanna torrattorujussuussagaluarpoq. Ilisimatusarnermullu naleqangaatsiassalluni.
