VIDEO Ilisimasalik: 2014-imut missingersuutit kusassaanertut isigineqarsinnaapput

- Pisarineqanngitsunit akitsuutinik isertitsissamaarneq … Immaqa takorluukkanik kusassaanertut isigineqarsinnaavoq, KNR-imut taama oqarpoq.

Taamaammat 2014-imi ukiup sisamararterutaata pingajuani ingerlatsinermut sanaartornermullu naatsorsuutini 282,8 millionit koruuninik amigartooruteqartoqarneranik ippassaq pingasunngornermi saqqummiussisoqarnera, Sten Lundip tupaallaatigivallaanngilaa. 

Sipaarniarnerit nutaat
Nunattalu karsiata ukiup naanerani millioninik qasserpianilluunniit amigartooruteqassagaluarpat kinguneqartussaassaaq. 

- Allaqqussinnaajunnaarunarparput annertungaatsiartumik sipaarnissaq.

Aamma atuaruk Vittus tulluusimaanngilaq

- Kingunerisassai ernumanermik pilersitsinngitsoornavianngillat aningaasarpassuimmi pineqarput peqatigisaanillu isertitavut ikiliartupiloorlutik. Taamaammat ernumanissamut pissutissaqarpoq, Sten Lund oqarpoq.

Akileraarutit akitsuutillu missingersuutigineqartunit 100 millionit koruuninik ikinnerussasut Naalakkersuisut aningaasanut inatsisissatut siunnersuutaanni atuarneqarsinnaavoq. Tamannalu, Vittus Qujaukitsoq naapertorlugu, pujortarpallaarsimannginnitsinnik imigassartorpallaarsimannginnitsinnillu peqquteqarpoq.

Aamma atuaruk Nunatta karsia milliardip sisamararterutaanik amigartooruteqarfiusoq

- Amigartooruteqarnissaq upernaakkut ataatsimiinneq sioqqullugu ilimasaarutigereerparput. Tamanna ingerlatsinermut tunngatillugu isertitakinnerunermik kiisalu tupamut imigassamullu akitsuutinit aammalu akileraarutinit isertitat ikinnerunerannik peqquteqarpoq, taamaammat amigartooruteqarnissarput naatsorsuutigisariaqarparput, Vittus Qujaukitsoq ataasinngormat KNR-imut taama oqarpoq.

Nunatta karsia pillugu nutaarsiassat kingulliit uani atuarneqarsinnaapput