Ilisimannittut tippiat
Eqqumiitsuliortup indianerup British Columbiameersup Carey Newmanip Inuit, indianerit metisillu meerartarpassui, angerlarsimaffiutigalutik atuarfinnni atuarsimasut eqqaaniarumallugit ataqqiniarniarlugillu immikkullarissumik eqqaassutisiorsimavoq.
Taanna tippi tassaavoq ilernikunik katitigaq, orpiminermik meqqutaasanik pilutalimmik cederimik qangatoortumik allalersorlugu sanaaq. Tippip allaani atuartuusimasut pigisaannik assigiinngitsunik 887-inik ikkussuisimavoq. Tamakkua pigisat assigiingitsut eqqumiitsuliortup nunaqarfinni 77-ini ukiuni arlalinni katersorsimavai.
Aamma atuaruk Canadami pisut ajornersaat katersugaasivimmi takutinneqalersut
Eqqaassutissiaq The Witness Blanket-imik ateqarpoq, tassa ilisimannittut tippiat - tassami meerarpassuit eqqaamasaannut, pigisaasigut ikkuussuussatigut ilisimannissutaavoq, misigisimasaannnik oqaluttartoq.
Tassaniipput paffequtit savimernit, qitequtip ilamernga meeqqanut iperartuutaaasarsimasoq, nutsat perlarnikut qiortat, angajoqqaat meerartik tigoqqikkusullugu allagaat, assit aamma matup tigummivia. Tamakkua tamarmik eqqartuusisitsisarput.
Aamma atuaruk Canadami isumalioqatigiissitaq nalunaarusianik saqqummersitsisoq
Tippimik takunnittut tamarmik attortittarput.Taannalu Canadami sumiiffinni arlalinni 2015-ip ingerlanerani saqqummersinneqartarsimavoq.
Eqqortussaq saammaasseqaatigiinnerlu pillugit ataatsimiititaliarsuup nalunaaarusiaata decembarimi saqqummersinneqarnerata peqatigisaaanik tippi inuit pisinnaatitaaffii pillugit katersugaaasivimmi Winnipegimiittumi nivinngarneqarpoq, juunillu tungaanut tassaniissalluni. Taava eqqortuussaq saammaasseqatigiinnerlu pillugit Manitoba-p universitetiani ilisimatusarfimmi saqqummersitanut aalajangersimasunut ilanngutsinneqassapput.
Aamma atuaruk Canadap naalakkersuisui nunap inoqqaavinut pitsaanerusumik attaveqalerusuttut