Ilinniartut aningaasaateqarfimmut qinnuteqarsinnaanngortut
Kalaallit ilinniarnerminnut atatillugu aningaasaateqarfimmut Jens Peter Jensens Mindelegatimut maanna qinnuteqarsinnaanngorput.
Allattoq Inge S. Rasmussen
januaarip 25-at 2018 11:18
Nutserisoq Mads Lynge
Kalaallit ilinniartut Kalaallit Nunaanniittut Danmarkimiittullu tamarmik qinnuteqarsinnaanngortut, Ilisimatusarfiup Facebookikkut quppernermini allaaseraa.
Aningaasaateqarfik Jens Peter Jensens Mindelegat atuukkunnaarsinneqassaaq, aningaasaateqarfiullu aningaasartaa tamarmiusoq Kalaallit Nunaanni Danmarkimilu ilinniartunut kalaallinut agguaanneqartussanngortoq Ilisimatusarfiup ilisimatitsissutigaa.
Aningaasaateqarfimmut qinnuteqarniaraanni ilinniartuunermut uppernarsaammik, sivisunerpaamik qaammatinik marlunnik pisoqaassusilimmik peqarnissaq piumasaqaataavoq, qinnuteqaallu IKIIN@nanoq.gl-imut kingusinnerpaamik februaarip ulluisa 28-anni nassiunneqassaaq.