Ilinniartitsisumit ilinniarsimasumit atuartinneqarnikuunngisaannarput – ulloq atuarfiusoq maanna allanngortoq
Sineriammi atuartitsinerup digitalisererneqarnera, qallunaat aningaasaateqarfiinit aningaasalersorneqartup atuarfinnik suliniutip Kivitsisap 2018-imili aallartippaat.
Ilinniartitsisumit ilinniarsimasumit atuartunut atuartitsinissaq nunaqarfinni amerlasuuni periarfissaanikuunngilaq.
Tamannali allanngorpoq, qallunaat aningaasaateqarfiinit aningaasalersorneqartup atuarfinnik suliniutip Kivitsisap, meeqqat atuarfiini ilinniartitsisut ilinniarsimasut iPad-it atorlugit atuartitsineq siammartippaat.
Taamak tusagassiorfiup 'Verdens Bedste Nyheder'-ip Kommune Kujallermi atuartitsisartunik oqaloqateqarsimasut allapput.
Ini atuartitsivik digitaliusoq
Kalaallit Nunaanni atuarfiit 75-iusut, taakkunannga 52-it nunaqarfinniittut Verdens Bedste Nyheder allappoq. Nunaqarfinni atuarfiit amerlasuut qulinit ikinnerusunik atuartoqarput, ilinniartitsisoqarlutillu ilinniarsimanngitsumik – sumiiffimmi ilinniartitsisumik taaneqartartoq.
Sumiiffimmi ilinniartitsisoq fagini tamani atuartitsisarpoq, meqqallu karakteeriinut atuaqqinnissamullu periarfissaannut sunniuteqarlutik.
Ilisimatusarfimmi ilisimatooq aamma ilinniarfinni anginerni ilinniartitsisuusoq, kalaallit Nunaanni meeqqat atuarfiinut immikkut ilisimasalik Mitdlarak Lennert taamak oqarpoq.
- Atuartut ilinniartinneqartarnerisa pitsaassusaanut sunniuteqartarput, meeqqallu atuarfiini naammassisut qiviaraanni, naammassisaat appasippallaartartut anngigisassaanngilaq, Mitdlarak Lennert tusagassiorfimmut Verdens Bedste Nyhederimut oqarpoq.
Suliniutilli nutaap faginut tamanut ilinniartitsisumik attaveqarsinnaalerneq periarfissaqalersippaa. Tamannalu meeqqanut ajunngitsumik sunniuteqartoq, Ilisimatusarfimmi Ilinniartitsinermik Ilisimatusarfiup pisortaa, Britta Lohmann oqarpoq.
- Alisissumit ilinniartinneqartartunut iluaqutaavoq. Kalaallit Nunaata kujataani aaqqissuulluakkamik ingerlappaat. Sløjdertunut peqataavugut, tassani ilinniartitsisoq isiginnaarutikkut ilinniartitsivoq, ilinniartitsisup ikiortaata atuartut peqatigigai. Ingerlalluaqaallu.
