Ilinniartitsissut nutaaq inuit pisinnaatitaafffiinik paasiniaanermut ajornaannerulersitsissasoq

Inuit pisinnaatitaaffiit ujaasiffiginiarnerat innuttaasunullu ataasiakkaanut qanoq isumaqarnerisa paasiniarnissaat ajornakusoorsinnaavoq, tamanna qarasaasiatigut ilinniartitsissutip nutaap allanngortinniarniarpaa.

Allattoq Camilla Egeborg Møller, Connie Fontain

septembarip 04-at 2024 10:36

Nunap inoqqaavisa pisinnaatitaaffii pillugit Naalagaaffiit Peqatigiit nalunaarutaat nunatsinni qanoq inissisimava? Inuttut pisinnaatitaaffinni suna pingaarnerua – peqqissuunissamut pisinnaatitaaffik imaluunniit immikkoortitaannginnissamut pisinnaatitaaffik?

Naak amerlanerpaat Naalagaaffiit Peqatigiit Nunarsuarmioqatigiinnut nalunaarutaanni 1948-meersumi inuit nalinginnaasumik pisinnaatitaaffiinik ilisimannikkaluartut inuit pisinnaatitaaffii pillugit oqallinnermi eqqarsarnartorpassuusinnaapput.

Assersuutigalugu inuuneqarnissamut, naligiissitaanermut, kiffaanngissuseqarnermut, naapertuilluartumik eqqartuussinermut killiligaananilu oqaaseqarsinnaanermut tunngapput. Nalunaarummili pisinnaatitaaffiit inunnut ataasiakkaanut aamma inatsiseqarnermut pingaaruteqarsinnaasut ilisimaneqartut annikitsut aamma amerlapput.

Inuit pisinnaatitaafii modulinut arfinilinnut immikkoortiterneqarsimasut

Susassaqarfik pillugu paasissutissiisoqarnissaa pisariaqartinneqartoq Inuit Pisinnaatitaaffii pillugit Siunnersuisoqatigiit aamma Inuit Pisinnaatitaaffii pillugit Institutti isumaqarput, taamaammat taakku ataatsimoorlutik inuit pisinnaatitaaffii pillugit ilisimasanik siammarterinerunissamut ilinniusissanik ineriartortitsipput.

Inuit pisinnaatitaaffii pillugit ilisimasaqarnerulerit

IPS, Inuit Pisinnaatitaaffii pillugit Siunnersuisoqatigiit Inuit Pisinnaatitaaffii pillugit Institutti peqatigalugu nunatsinni pisortani sulisut, suliniaqatigiiffiit, ilinniartut innuttaasullu allat inuit pisinnaatitaaffiinik ilisimasaqarnerulernissaat pillugu qarasaasiat atorlugit ilinniummik pilersitsipput.

Ilinniartitsissutit pingasunngorneq, 2024-mi septembarip sisamaanit ilinniartitsissutit atorneqarnissamut uani pissarsiarineqarsinnaalissapput:

Qallunaatut: https://humanrights.gl/da/laeringsportal

Kalaallisut: https://humanrights.gl/digitalikkut-ilitsersuutit-immikkoortukkuutaartut

- Inuit pisinnaatitaaffii pillugit kalaallit innuttaasut pisinnaatitaaffiinik suliaqartut, inuit pisinnaatitaaffii pillugit naammattunik ilisimasaqarnissaat, qanoq inuttut pisinnaatitaaffeqarnerup, inatsisitigut illersugaanitsinnik nukittorsaasinnaaneranik pisinnaatitaaffitsinnillu illersuisinnaaneranik paasinninnissaat pingaaruteqarpoq, IPS-ip siulittaasua Qivioq Løvstrøm tusagassiuutinut nalunaarummi oqarpoq.

Aamma atuarukInuit attaveqatigiittarfiinik atuininni pisinnaatitaaffiit ilisimalikkit

Ilinniartitsinermi atortussat modulinik arfinilinnik, atuisunut inuit pisinnaatitaaffiisa oqaluttuassartaannik – nunanilu tamalaani nunatsinnilu pingaaruteqassusaanik qanillisitsisunik immikkoortortaqarput .

Naak ilinniartitsinermi atortussat suliniaqatigiiffinnut, siunnersuisoqatigiinnut aalajangiisartunullu assigiinngitsunut pingaarnertut tunngatinneqaraluartut taakku ilinniartunit, pisortani sulisunit soqutiginnittuniillu aamma atorneqarsinnaalluarput.

Suliniuteqartut marluk - Tamat festivaliannik nipilersorneq, qitinneq suleqatigiissuteqartitsinerillu aqqutigalugit nunarput tamakkerlugu inuit pisinnaatitaaffiinik soqutiginarnerulersitseqaasussamik aamma suliniuteqartuupput.

Inuit Pisinnaatitaaffii pillugit Siunnersuisoqatigiit videoliamik paasititsiniaaneq ”inuunerit – illit pisinnaatitaaffitit” aqqutigalugu inuit pisinnaatitaaffiinik sammisaqarnerutitsinikuuvoq, tassani inuusuttut 20-t sinnerlugit ukioqartut sammineqarnerupput.

Ilinniartitsinermi atortussat septembarip sisamaanit pissarsiarineqarsinnaalissapput.

Nutaarsiassami kukkunermik nassaarsimaguit uunga allaffigineqarsinnaavugut.