Ilinniagartuut isumaqatigiissusiorfigineqarput
Ilinniartitsisut akissaataannut Naalakkersuisut aamma Ilinniartitsisullu Kattuffiata isumaqatigiinniarnerat ippassaq naammassivoq. Isumaqatigiinniartut allat ullaassaq nalunaaqutaq pingasunnguukkaatik qasoqqarpaseqalutik isumaqatigiissummik allamik aamma angusaqarput, tassalu ilinniagartuut, akademikerit, Naalakkersuisullu ukiunut tulliuttunut pingasunut isumaqatiissuteqarmata.
Ilinniagartuut aningaasarsiaat ukiuni tulliuttuni pingasuni 6 procentimik qaffanneqarput. Eqaannerusumik periarfissaginnerusumillu suleqatigiissinnaanermut isumaqatigiissut aamma imaqarpoq, kiisalu tapisiaqartitsinissaq aamma periarfissinneqarluni. Taama oqarpoq Namminersornerullutik Oqartussanit isumaqatiginninniartoq, Gitte Arvegaard.
Ilinniagartuut Kalaallit Nunaanni 300-ngajaapput. Pisortat suliffeqarfiini atorfillit, ingeniørit, illussanik titartaasartut, tarnip pissusiinik ilisimasallit, atuakkanik atorniartitsisartut, tassa bibliotikarit, magisterit aamma ilinniarnertuunngornianut ilinniartitsisut.
