Kisitsisit nutaat: Ilinniagaqarsimasut amerliartuinnartut

Innuttaasut 16-it 74-illu akornanni ukiullit 39,8 procentii meeqqat atuarfiannit qaffasinnerusumik siorna 2017-imi ilinniagaqarsimapput, ukiut quit ingerlaneranni 8,8 procentinik qaffariarsimallutik.

Arnat qaffasinnerusumik ilinniartartut kisitsisit qimerlualaaraanni aamma takuneqarsinnaavoq. Arnammi meeqqat atuarfiannit qaffasinnerusumik ilinniagaqarsimasut amerlanerupput, assigiinngissullu annerpaaq ilinniaqqissimasut akornanniippoq.

2017-imi arnat 42,8 procentii inuusuttuaqqat ilinniarfiini ilinniaqqiffinniluunniit ilinniarsimapput, angutit akornani taama ilinniarsimasut 37,2 procentiullutik.

AAMMA ATUARUK Ilinnialersussat 22-t aallartinnissaat qularnartoq

Nuummi ilinniarsimaneq qaffasinnerpaajuvoq, Qaqortup immikkoortortaqarfia Sisimiullu immikkoortortaqarfii taava tulliullutik.

Nunatsinnili ilinniarsimasut ataatsimut isigalugit Atlantikup avannaani nunanut allanut naleqqiullugu ikinnerupput.

Savalimmiuni innuttaasut 20-t sinnerlugit ukiullit 70 procentii meeqqat atuarfiannit qaffasinnerusumik ilinniarsimasuupput, Islandimilu innuttaasut 16-it 74-illu akornanni ukiullit 69 procentii meeqqat atuarfiannit qaffasinnerusumik ilinniarsimasuullutik.

AAMMA ATUARUK Inatsisilerituunngorniarneq nutaaq soqutigineqarluartoq