Ilisimatooq: Uranimik tuniniaalinnginnermi suliassarpassuaqarpoq
Danmarkimik qanittukkut isumaqatigissuteqarneq alloriarneruvoq annertooq, Nunanut allanut tunngasunik Danmarkimi ilisimatusarfimmi ilisimatooq, Cindy Vestergaard taama oqaluttuarpoq.
Tamassuma inatsiliuunneqarnera naammassineqajalerunartoq taama oqarpoq.
Siunnersuutigineqartut aalajangiiffigineqareerapata najoqqutassanik nalunaarutinilli suliaqartoqassaq, aatsitassarsiorfiit inatsisit sorliit malissanerlugit paasiniassammatigit, Cindy Vestergaard nalunaarusiamik qanittumi saqqummersinneqartumik - naalagaaffeqatigiit uranimik tunisassiulernerannik atukkioqataasoq.
Aamma atuaruk Uran pillugu Danmarki akisussaaffeqassaaq
Cindy Vestergaardip oqarnera naapertorlugu isumaqatigiinniarnerit imaanngitsut atorneqarsimapput, siunissami uran avammut tunisassiarineqarnissaanut najoqqutassat pillugit Kalaallit Nunaat Danmarkillu isumaqatigiissutigineqarnissaat sioqqullugu. Isumaqatigiissuteqarneq danskit nunanut allanut ministeriata Kristian Jensenip marlunngornermi pisortatigoortumik saqqumiupaa.
Isumaqatiginniarnerit Cindy Vestergaardip ilisimatuutut sulinerminut atatillugu qanimut malinnaaffigai.
- Naalagaaffeqatigiit iluanni Namminersorluni oqartussaanerup inatsisaata ilulisorneqarneqarnera immikkut ittoq malinnaaffigissallugu soqutiginarsimavoq, tamannalu inatsisigut aporaaffimik pilersitsivoq, Kalaallit Nunaat EU-mut ilaasortaanngilaq taamaalillunilu EU-mi atom pillugu isumaqatigiissummut Euratomimut ilaanani taamaattorli Danmark ilaasortaalluni.
Aamma atuaruk Uran pillugu mianersortoqarnissaa Olsvigip nalunaarutigeqqippaa
- Kalaallit Nunaat EU-mi atom pillugu isumaqatigiissumut ilannguneqarnissaa pineqanngilaq, taamaaliussagaluarpat Kalaallit Nunaat EU-mi isumaqatigiissutinut ilaalissaq tamannalu Kalaallit Nunaata kissaatiginngilaa, Cindy Vestergaard oqarpoq.
Kalaallit Nunaat EU-mi atom pillugu isumaqatigiissummut ilaannginnera pissutigalugu, Kalaallit Nunaat Danmarkilu toqqannartumik Atomimik nukissiorneq pillugu nunat tamalaat nakkutilliisuutitaannik Wienimiittumi isumaqatigiissuteqarput.
Aamma atuaruk GME-p avatangiisinut sunniutaasinnaasunik misissuinini naammassigaa
Cindy Vestergaard oqaluttuarpoq, isumaqatigiissuteqarnermi nunat taakkua marluk akunnerminni suliassat agguataarsimagaat, siunissamilu suleqatigiinnissami imminnut pinngitsoorsinnaassanngillat, Cindy Vestergaard oqarpoq.
- Sulinissami periusineqartussat atulersinneqarpata, ataatsimoorluni suliniutissat ineriartortinneqassapput - tassalu nunap aappaa kisimiilluni sulisinnaassanngilaq, Cindy Vestergaard Nunanut allanut tunngasunik Danmarkimi ilisimatusarfimmi ilisimatooq Cindy Vestergaard TV2-ip nutaarsiassaqartitsiviani TV2 Newsimi apersorneqarluni taama oqarpoq.
Aamma atuaruk Kuannersuarni aatsitassarsiorneq inuussutissarsiornermik innarliissanngilaq
