Uran pillugu mianersortoqarnissaa Olsvigip nalunaarutigeqqippaa
Danmarkip nunanut allanut tunngasunut ministeria Kristian Jensen, Danmarkimi nunanut allanut tunngasunut aalajangiisartunut taama oqarpoq.
Kuannersuarni uranimik piaaffeqalerpat, aatsitassarsiorfiup oqarnera naapertorlugu, suliffinnik 400-nik pilersitsisoqassaaq.
Aamma atuaruk Nunatta Danmarkillu uranimik avammut niuernissaq isumaqatigiissutigaat
Iluatungiliuttut Inuit Ataqatigiit Kalaallit Nunaata uranimik avammut tunisaqalernissaanut apeqqutinik arlalinnik saqqumiussaqarput, siulittaasullu Sara Olsvigip neriuutigaa Naalakkersuisut Danmarkimik isumaqatigiissuteqarnerminni mianersorsimassasut, Inuit Ataqatigiit siulittaasuat Sara Olsvig taama oqarpoq.
- Neriuppunga Naalakkersuisut isumaqatigiissusiornerminni nunatta soqutigisai nunattalu oqartussaaffii illersorluinnarlugit iliuuseqarsimassasut, mianersoqqissaarlutik isumaqatigiissutinik ukuninnga suliarinneqataasimassasut. misissugassallu tamakkivillugit misissoqqaarlugit aatsaat danskinut isumaqatigiissusiorsimassasut.
Uranimik piiaanerup kingunerisinnaasai eqqarsaatigineqartariaqartut, IA-p siulittaasua Sara Olsvig isumaqarpoq.
- (Uranimik piiaaneq aaqq.) nunatsinnut annertuumik kingunerlussinnaavoq, taamaammallu aningaasaqarnikkut aamma kingunerlutsitsisinnaavoq. Ilisimasaqarnikkut amikkittoorsinnaavugut. Taamaammat Naalakkersuisut mianersoqqissaarlutik uani periuseqarsimanissaat neriuutigiinnarsinnaavarput, Inuit Ataqatigiit siulittaasuat Sara Olsvig oqarpoq.
Aamma atuaruk VIDEO Uranisiornermi aarlerinaataasinnaasut geokemikerip nassuiaateqarfigai
Aamma atuaruk Kuannersuarni aatsitassarsiorneq inuussutissarsiornermik innarliissanngilaq
