- Aatsitassarsiorfiit uranisiorfiusut allallu nalinginnaasut ajoraluartumik arlaatigut navianartoqartarput.

- Misissueqqaaqqissaarnerilli, malittarisassaliornerit nakkutiginninnerillu aqqutigalugit navianassusaa annikillisinneqarsinnaavoq, Jens Søndergaard, geokemikeriusoq, DCE-mi Aarhusip Universitetiani siunnersorti taama oqarpoq. 

Ilanngullugu aamma taassuma oqaluttuaraa ukiut kingulliit ingerlaneranni Canadami Brasiliamilu uranisiorfinni sequnnikunnik toqqorsiviit ajutoornikuusimasut.

- Ullutsinni nunarsuarmi aatsitassarsiorfissuit soorunalimi ajunngitsortaqarlutillu ajortoqartaqarput. Sequnikunillu toqqorsiviit ajutoorutigineqartartut ilinniutaalluarsinnaapput, ilisimasaqarlualersitsisaramik. Taamaalilluni piiaanerit isumannaannerulersinnaallutik. Navianassusereerutivinneqarsinnaanngillalli.  

Qulaarpaami oqallinneq tamakkerlugu uani isiginnaarsinnaavat

Aatsitassanik uraninik akulinnik piiaanerit arlalinnik navianartoqartarput, misissueqqaaqqissaarnerilli, malittarisassaliornerit kiisalu nakkutiginninnerit aqqutigalugit navianartut annikillisarneqarsinnaasut Jens Søndergaardip tikkuartorpaa. Navianartulli piivinneqarsinnanangillat.

Aamma atuaruk Kalaallit Nunaat uranimik piiaasinnaanngulerpoq

Eqqumaffigineqarsinnaasunilli pingasunik taakkartuivoq. Tassa akoorutissanut igitassanut toqqorsiveqarneq, sinnikunik sequnnikunillu piiaanermi tatsimut eqqaanermi nakkutiginnilluarneq. Kiisalu qinngornernik apeqqutit.   

Ilanngullugulu aamma oqaatigaa aatsitassarsiorfiit ammasut, soorlu Kuannersuartut ittut aatsitassarsorfinni matoqqasuninngaanniit pujoralannik teqqakaatitsinerusartut.

Ataatsimullu isigalugu Kuannersuarmi uranimik akulinnik piiaasoqalissagaluarpat pinngortitamut qanoq sunniuteqarsinnaaneranik oqaaseqarsinnaanngilaq, pinngortitamut qanoq sunniuteqarsinnaanerinik misissueqqissaarnerit suli naammassineqanngimmata.

Aamma atuaruk Uranip nunatsinneersup sakkussiornermut atorneqannginnissaa anguniarneqarpoq

Aamma taassuma oqaatigaa aatsitassanik uranitalinnik piiaanerit navianartoqarsinnaagaluartut, aatsitassarsiorfinni allaninngaannit ulorianarnerusariaqanngitsoq.

- Aatsitassarsiorfiit uranimik akullit aatsitassarsiorfinnut allanut sanilliullugit ulorianarnerunngillat. Kisianni soorunami uranip qinngorneri, igitallu ulorianartut nakkutigilluarneqassapput. 

GME-meersup, tassa Greenland Minerals & Energy-meersup, Ib Laursenip, Kuannersuarni aatsitassanik piiaaffiliassamik qanoq pilersaarusiorneqarnera nassuiarpaa: