Ikummatissaq 60 øremik akitsortoq
Orserneq apriilip ulluisa pingajuannit akisunerulissaaq. KNI taama paasissutissiivoq.
Benzin, gas uulialu ullumimit 60 øremik akisunerulerput.
Allattoq Nicole Sander Bertelsen
apriilip 03-at 2024 10:25
Nutserisoq Connie Fontain
Ikummatissat akii ullumikkumit akitsortut KNI paasissutissiivoq. Ikummatissaq 60 øremik akisunerulissaaq.
Akimik qaffaaneq 'pisariaqartuusoq', KNI akinik nutaanik saqqummiilluni tusagassiuutinut nalunaarummini paasissutissiivoq.
Ikummatissanut qularnaarutissanut akit qaffakkiartornerat pissutaavoq, taamaakkaluartorli aki Danmarkimi literimut akimit 2,5 koruunimik akikinneruvoq. KNI-p atuisartunut iluaqutissamik ukiuni kingullerni sinneqartooruteqarsimanera akikinneruneranut pissutaasoq, tusagassiuutinut nalunaarummi allappaat.
Tamanna naalakkersuisut peqatigalugit aalajangigaraat.
Naallu akit qaffakkaluartoq tamanna 2012-imit 2021-mut akimit appasinneruvoq.
