Ikuallannermi 45-t ajunaartut
Napparsimmavik atornerluiunnaarnissamut ikiortittarfik Ruslandimi illoqarfiit pingaarnersaanni Moskvamiittoq ikuallannermik unnuaq eqqugaavoq.
Inuit 45-t ikuallannermi ajunaarput.
Piaaraluni ikuallatsitsisoqarsimanissaa Moskvami oqartussat ilimagaat.
Qatserisartut suli takkutinngitsut inuit 45-t taakku ajunaarsimanissat aamma ilimagineqarpoq. Ruslandimi ministerit ilaat Aleksander Tjupryan russit nutaarsiassaqartitsiviannut ITAR-TASS-imut taama oqarpoq.
Napparsimmavimmi ikuallannermi ajunaartut tamarmik arnaapput, ikuallattuminngaanniillu qimaasinnaanissaq ajornarsimavoq aniffissaq ataasiinnaasimammat, igalaallu ungaluusanik assersoqqasimammata.
Napparsimmavimmi iikkat plastikkimik qalleqqasimammata pujoq toqunartortaqangaatsiarsimavortaaq.