ASSIT Kalaallit Island Gamesimut piareertut

Kalaallit Vanløsemut unamminermi aallartilluaqaat. Aporaannerit amerlasuut ajugaaffigaa saassussilluaqattaarlutillu. 
Qularnanngitsumik ippassaammat F.C Nordhavnimut 4-1-mik ajugaanertik pissassaatigisimassavaat.

Vanløsemut unammineq naligiiffioqaaq, taamaattoq Ari Hermann John L. Brobergimit tunineqareerluni Vanløsep måliniittua periarfissinngiivillugu isertitsivoq kalaallillu 1-0-mik siuartillugit. 

Vanløse mumeriitsiarnermi unammisut naligiilersillugit isertitsivoq. Unamminerlu naligiiffiugaluaqisoq unamminerup naammassiartulernerani Vanløse periarfissaqaraluarpoq. Måliniittorli, Looqi Svane, unammilluaqaaq pingaarutilinnillu annaassisarluni, taamatullu aamma kalaallit illersuisui unammilluarnerisigut unamminermi isertitsisoqaqqinngilaq. 

Nunanut allanut unammisartut sungiusaasuat, Tekle Ghebrelul, isumaqarpoq, kalaallit Island Gamesimut, Gotlandimi pisussamut, unammigiarnissaminnut piareertut. 

- Unammisartut arsaaffimmi inissiffissartik nassaaraat – arsariaaserput iluatsilluarpoq unammisartullu unamminissamut piareerlutik, Tekle Ghebrelul oqarpoq. 

Kalaallit arnartai Danmarlimi sungiusaatigalugu unamminermi kingullermi Allerødimut aamma 2-2-rput.