Anne-Birthe Hovep suliaanik Odensemi saqqummersitsisoqalersoq
Anne-Birthe Hove eqqumiitsuliaanik saqqummersinneqartussat assigiinngitsorpassuupput, ilaatigut 1960-ikkunni titartagai 2012-imilu suliai kingulliit. Nordatlantisk Hus nittartakkamini taama allaaserisaqarpoq.
Saqqummersitsinermik piareersaasuuvoq Rikke Diemer, Anne-Birthe Hoveugaluullu uia Thomas Stensgaard aamma Bornholms Kunstmuseum suleqatigalugit aaqqissuunneqarluni.
Anne-Birthe Hove eqqumiitsuliaalu pillugit atuagaq nutaaq
Anne-Birthe Hove eqqumiitsuliaalu pillugit atuakkiaq nutaaq naqiterisitsisarfiup milik publishingip saqqummersitsinermut atatillugu saqqummiutissavaa. Atuagaq Anne-Birthe Hoveugaluup uia suleqatigalugu suliarineqartoq novembarip pingajuani nalunaaqutaq 16.00-18.00 ammaanerup kingorna pisarineqarsinnaassaaq.
Saqqummersitsineq Thomas Stensgaardimit ammarneqassaaq, Rasmus Lyberthilu, Anne-Birthe Hovep ukiorpassuarni ikinngutigisimasaa aliikkusersuissaaq.
Saqqummersitsineq januaarip 13-iata tungaanut takuniarneqarsinnaavoq. Iserneq akeqanngilaq.