Anders Sanimuinnaq: Ikiorsiissutit atornerlunneqarpallaarput
Kuummiuni inuuttaasut ataatsimeereerlutik maanna nammineerlutik iliuuseqarnissaminnik siunnerfeqarlutik aalajangertut, nunaqarfimmi siulersuisuni ilaasortaq oqaluttuarpoq.
- Silaannarmi imigassartornerup inerteqqutaalernissaa anguniarneqartariaqartoq maannangaaq aallartinneqartariaqartoq paasititsiniutigalugu, Anders Sanimuinnaq taama oqarpoq.
Kuummiut manna 270-nik inoqarpoq. Taakkunannga suliffissarsiortutut allattorsimasut 55-it missaaniittut, Kuummiuni innuttaasunut sullissivimmi, inunnillu isumaginnittoqarfimmi sulisup Ella Kristiansernip KNR-mut nalunaarutigaa.
Suliffissaaleqisutut allassimasuutigineqartut kommunemiit pisartagaqartinneqarput.
Pisartagarineqartulli Kuummiuni innuttaasunit aamma atornerlunneqarpallaarneri nunaqarfimmi aqutsisumit naqissuserneqarpoq.
- Socialimiit tigusartakkatik inuussutissatut tiguneqartartut isumaqarpunga, isumaqanngitsumut tassunga peqqussummut aningaasanooqqusaannginnermut isumaqarpunga atugaavallaarnerat maannga killeqartariaqartoq,
Anders Sanimuinnaq taama oqarpoq.
Aningaasanoorajune imerajuttuunerlu meeqqanut kinguneqarnerluttartoq taanna oqarpoq:
- Meeqqanut paarsinerlunnermut kinguneqartarpoq, taavalu aamma meeqqat isigitinneqartartut siunitsinnik taasartakkagut peqqissumik inuuneqassappata aamma tamakkuninnga isigitinnaveersaartarnissaat inersimasunngornissaata tungaanut, Kuummiuni nunaqarfimmi aqutsisunut ilaasortaq Anders Sanimuinnaq taama KNR-mut oqarpoq.
Naalakkersuisup Agathe Fontainip angalanera marlunngormat nangeqqippoq Tasiilamut. Imigassamik atornerluinerup aningaasanoorujunnerullu ajornartorsiutaanera aamma taakani oqariartuutigaa.
