Ikiorsiineq 22 millionit koruuninik akeqartoq
Karrani juunimi 2017-imi ajunaarnersuaqareersoq ikiorsiissuteqartoqaqaaq.
Pisortanut 34,5 millionit koruunit tunniunneqarput. Pisortallu qimagutitinneqartut illuliuunnissaannut atugassanik 70 millionit koruuninik immikkoortitsipput.
Kalaallit Røde Korsiat 2 millionit koruuninik ajunaarnersuarmi atugassanik pissarsisoq, 2,8 millionit koruuninik inuussutissarsiutigalugu saniatigooralugulu piniartunit atugassatut tunniussaqarpoq.
AAMMA ATUARUK KRK aningaasanik katersorneqartunut aqutsisuusoq
Qimagutitinneqartut inisseqqinnerannut, pisatsersornerinut, piniutinik umiatsiaaqqanillu tunissuteqarnermut tarnillu pissusaanik ilisimasalimmik oqaloqateqarnerannut 22,6 millionit koruunit atorneqareerput.
Aningaasaqarnermut naalakkersuisoqarfiup naatsorsuusiaanit juunip aallaqqaataaneersumit Kalaallit Røde Korsiatalu siorna novembarimi naatsorsuusiaanit tamanna takuneqarsinnaavoq.
AAMMA ATUARUK Tassaarsuarneranit eqqugaasut taperserneqarluartut
Sulilu 86 millionit koruunit ikiorsiissutitut atorneqartussatut uninngasuutigineqartut, naatsorsuusiami takuneqarsinnaavoq.
Pisariaqartinneqarpullu.
Aningaasaqarnermut naalakkersuisoqarfik KNR-imut mailikkut ima allappoq:
- Ajunaarnersuarmulli atasumik suli aningaasartuutissaqaqaagut, amerlanerpaartaallu eqqugaasut initaavinnissaannut atorneqartussaapput.
AAMMA ATUARUK Qimagutitinneqartunut illut sanaartorneqalertut
Qimagutitinneqartut 174-it Uummannami illussaat sanaartorneqaleruttorput. Namminersorlutik Oqartussat sanaartorusuttunik isumaqatiginninnialeruttorpoq. Taava aamma illoqarfiup kippasissortaani nunagissaasoqarpoq.
Qimagutitinneqartut tapiiffigineqarnerisa saniatigut upalungaarsimasut, Kalaallit Nunaanni politiit, politiit naalagaaffik tamakkerlugu qullersaqarfiat, Illersornissaqarfik Issittumilu Sakkutuut qimagussuinerminni avatangiisinillu kingorna saliinerminni isumannaallisaanerminnilu immikkut aamma aningaasartuuteqarput.
