KRK aningaasanik katersorneqartunut aqutsisuusoq
Katersuiniarnermi Kalallit Røde korsiat suliami annertuumi ataqatigiissaarisuuvoq.
Katersuiniarnerullu ataqatigiissuunissaa pingaartinneqartoq, Kalaallit Røde Korsianni siulittaasoq Christina Tønder Bell oqarpoq
Eqqugaasimasunut tapersiisinnaaneq suli periarfissaasoq, Kalaallit Røde Korsianni siulittaasoq oqarpoq.
Paasissutissat
7 millionit koruunit sinnerlugit katersorneqareerput.
Islandimit Savalimmiunillu tunissutigineqartut 4,6 millionit koruuniusut Namminersorlutik Oqartussanut tunniunneqassapput, inuillu katersuiniarnerannersut Kalallit Røde Korsiannut ingerlateqqinneqassallutik.
Suli tunissuteqartoqarsinnavoq
- Inuit suli ikiuerusutsillugit tapiissuteqarnissaq periarfissaavoq, Kalaallit Røde Korsianni siulittaasoq oqarpoq.
Suliniuteqarnermi alloriarnerup tullia tassaavoq eqqugaasut qanoq pisariaqartitsinersut paasiniassallugu.
AAMMA ATUARUK Tassaarsuarneranit eqqugaasut taperserneqarluartut
AAMMA ATUARUK 7 millionit koruunit sinnerlugit maanna katersorneqarsimalerput
- Pineqartut qanoq eqqugaasimappat, ilaqutariikkuutaat qanoq amerlatigippat, suullu inuit ataasiakkaat pisariaqartippaat, tamanna paasiniarneqassaaq.
Aningaasat imatut atorneqassapput
Pisortat Kalallit Røde korsiat suleqatigalugu pisariaqartitsineq misissorpaat. Pisariaqartitsinerlu paasineqareerpat
alloriartoqassaaq:
- Tapiissutit aallaavigalugit pisariaqartitsineq aallaavigalugu ikiuinissamut aaqqiissuteqassaagut. Aningaasanillu ikiuinerup saniatigut allatigut ikiuinissamut periarfissaqartuaannarpoq, sumiiffinnimi qanittumiittut ikiueqataasinnaasut, Kalaallit Røde Korsianni siulittaasoq Christina Tønder Bell oqarpoq.
AAMMA ATUARUK Danskit Røde Korsiat sms atorlugu katersuinialersoq
- Ikiuisussat atorfissaqartuaannarpput, ornigugit ikiuunissamullu neqeroorlutit, Kalaallit Røde Korsianni siulittaasoq taama oqarpoq.
