VIDEO Igasunngorniat puisip neqaanik pizzaliaminnik sassaalliuteqartut
Nerisassiallu nutaat najukkami Pisiffimmi pisiniartartunit alutorsaatigineqarluarput.
- Puisip neqaanik risrettiliaq. Alutornaqaaq, mamaqaaq, Franz Kleist oqarpoq.
- Puisip neqaanik patéliaq mamarluinnarpoq, Solveig Knudsen oqarpoq.
Puisip neqaanik pizzaliat aamma mamarineqarluarput.
- Allaqqiinnaamik piniarluni maanngaraluarama una (pizza, aaqq.)pissanganarpasippallaaqimmat taanna pisiariinnarpara. Aatsaat ussilerpara, pissanganarpoq, Sofie Tittussen oqarpoq.
Inuusuttuunerusut puisip neqaata allaanerusumik iganissaanik ilinniassavaat.
- Puisip neqaa qanoq iganeqarsinnaanersoq taakkununnga takutikkusupparput. Alutorsaatigaat, aamma mamarigaat takusinnaavara.
- Puisisunninnginnera tupaallaatigerpasittarpaat, Aqqalu Møller, Inuilimi ilinniartoq oqarpoq.
Inuilillu suliniutaa ilassilluarneqarpoq.
- Nunatsinni pitsassuarnik peqqinnartunillu nerisassaaterpassuaqarpugut, taamaammat torrageqaara. Qangali taamaaliortoqarsimasariaqaraluarpoq Sofie Tittussen oqarpoq Franz Kleistillu isumaqatigaa:
- Tassa taamaassaaq. Kiisami puisip neqaata oqallisaanerata timitalerneqarneranik takuvunga. Torraqaaq.