Naalakkersuisooqatigiinnissamik isumaqatigiissut: ICC qatserisartullu neriulluartut

Naalakkersuisooqatigiinnissamik isumaqatigiissut ukiuni tulliuttuni takorluukkanik anguniagassanillu annertuunik imaqarpoq.

 

Isumaqatigiissut atuarluarneqareersimalluni assigiinngeqisuninngaanniit ICC-mit kiisalu Qatserisartut Kattuffiannit neriulluartitsilersimavoq.

Isumaqatigiissumi nr.331-mi allaqqasoq "Naalakkersuisoqatigiit naggueqatitta suleqatiginerat attatiinnarlugulu nukittorsarniarpaat ilaatigut ICC aaqqissugaalluartoq nunarsuatsinnilu nukittuumik inissisimasoq aqqutigalugu," ICC Kalaallit Nunaata siulittaasuata Hjalmar Dahlip immikkut maluginiarpaa.

Uani ICC-p anguniagaani pingaarnersaat Naalakkersuisoqatigiilertussat tapersersuinertik naqissuserpaat, tamannalu Hjalmar Dahlip nuannaarutigaa.

- Soorunami Naalakkersuisooqatigiilertussat isumaqatigiissumminni naggueqatigiit inuit akornanni ICC aqqutigalugu nukittorsaallutillu piujuartitserusunnersut nuannaralugulu tulluusimaarutigaara. Ukiuni tulliuttuni suleqatigiinnissatsinnut nukittorsaataassaaq, Hjalmar Dahl tusagassiuutinut nalunaarummini sapaammi oqarpoq.

 

Qatserisartut: Kiisami!

Aamma qatserisartuni nuannaarput.

Piareersimasut kiisami isiginiarneqalerput, siulittaasoq Poul Olsen tusagassiuutinut nalunaarummini arfininngormat oqarpoq.

Qatserisartut naalakkersuisoqatigiinnissamut isumaqatigiissummi immikkut sammineqarput, qatserisartut ilinniartitaanerat kiisalu illoqarfinni nunaqarfinnilu qatserisartut atortui nutaajullutillu pitsaanissaat Naalakkersuisoqatigiit pingaartippaat.
 
"Piareersimasuni sulisut "toqqissisimasumik sulilersinneqartassapput, pitsaasumik akissarsiaqarlutik aalajangersimasunillu atorfeqartoqartassalluni"

Ilaasortat akissarsiaat isumaqatiginninniassutiginissaat qatserisartut siulittaasuata qilanaaraa.
 
- ( ...)minnerunngitsumik sumiiffiit aallaavigalugit akissarsiaqartarnerit qaangernissaannut kiisami politikkikkut tapersersorneqarnerput nuannaraara, isumaqatiginninniaqatigiinnissarpullu qilanaaraarput, Poul Olsen allappoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat