IA-p Tunngaviusumik inatsisissaq pillugu isumalioqatigiissitap tunngavia tamaat allanngorusuppaa

Inuit Ataqatigiit (IA) qineqqusaarutaanni tamanna atuarneqarsinnaavoq.

- Tunngaviusumik inatsisissaq pillugu suliakkiissutip allanngussaaq, imarisassai tunngaviusut erseqqissarlugit -  isumalioqatigiissitaq erseqqissumik malitassaqalernilu.

Isumalioqatigiissitap suliassai nunap tungaviusumik inatsissamik suliaqarnermi pingaarnersiuinisssaa, Inuit Ataqatigiit siulittaasuata Sara Olsvigip siusinnerusukkut ujartorpaa. 

AAMMA ATUARUK Tunngaviusumik inatsisissaq pillugu isumalioqatigiissitaq sulinerusariaqarpoq

Partiilli maanna piumasaraa, suliap tunngavia tamaat allanngortinneqasssasoq innutaasullu peqataatinneqarnerussasut, nunatta sineriaani ataatsimiisitsinerinnakkut pinnani. Ilaatigut inuusuttut suliami ilaatigut inuit qarasaasiatigut naapeqatigiittarfiisigut  tusaaniarneqarnerussapput.
 
- Tamanna isumaqarpoq inuiaqatigiinni kattuffiit, kommunit, susassaqartut
minnerunngitsumillu innuttaasut peqataatinneqarnerungaarlutik suleriaaseqartoqassasoq isumaqartugut, IA qineqqusaarummini allappoq .
 

AAMMA ATUARUK Tunngaviusumik inatsisissamut isumalioqatigiissitaq quianaannarpoq

Taama aamma isumalioqatigiit Inatsisartuneersuinarnik ilaasortaqassanngilaq.

- Inatsisartunut ilaasortanik inuttalernagu inuiaqatigiinnit siamasissumik peqataaffigineqasasoq kissaatigaarput, qineqqusaarummi allassimavoq.

AAMMA ATUARUK Suka K.: Isumalioqatigiissitap sulinini nangeqqittariaqarpaa