IA isumaqatigiissuteqarfigisimannginneraraat

Partii Naleraq Inuit Ataqatigiillu suleqatigiinnissamik isumaqatigiissimaneranut tusatsiakkat  Partii Naleqqami siulittaasup tulliata ilumuunnginnerarpaa.

- Partii uagut partiitta anguniagaanut qaninerpaamik naalakkersuisooqatigiinnissamik atsioqatigisinnaasarput toqqassavarput. Maannangaa suleqatiginiakkatsinnik siumut taakartuinngilagut, Per Rosing Petersen, Partii Naleqqami siulitaasup tullia, KNRimut oqarpoq.

Doris Jakobsenip Siumumeersup Radioaviisimut oqaatigaa Inuit Ataqatigiit aammalu Partii Naleraq suleqatigiinnissamut isumaqatigiissusioreersimasut. Taanna oqorpoq IA suleqatigissagunikk tPartii Naleqqap Aalisarnermut naalakkersuisuuneq tigussagaa paasisimallugu.

Tamannalu Partii Naleqqamit ilumuunnginnerarneqarpoq.

- Taamaattoqanngilluinnarpoq. Uangut politikkitsinnut angusaqarfiunerpaasussaq toqqarumaarparput, aammalu siulersuisuuneqarpugut kikkut suleqatigissanerlugit aaliangeeqataasussanik. Puupassaailluni oqalunneq tunngavissaqanngilluinnarpoq. Asuliuna paatsiveerussaaniarlutik taama oqaluttut, Per Rosing Petersen KNRimut oqarpoq.