Hollandip kunngia inussiaateqarsimaneq pillugu utoqqatsertoq
Hollandip kunngia, Willem-Alexander, Hollandip oqaluttuarisaanerani inussiaateqartoqarsimanera tamatumalu ullumikkumut kingunerluutai pillugit arfininngormat utoqqatserpoq.
- Oqaluttuarisaanerput inuttut qamuuna sakkortuumik attorneqaatigaara, Hollandip kunngia Amsterdamimi nalliuttorsiorpalaartoqarnerani utoqqatsernermini ilaatigut oqarpoq.
Hollandimiut ministerii arlallit Hollandip nunasiaatigisimasaani Surinammimi aamma Caribiami pisumut ulluni makkunani peqataapput.
Hollandimiut ministeriunera, Mark Rutte, Hollandip inussiaateqarnerup nalaani pissuserisimasaa pillugu siorna decembarimi aamma utoqqatserpoq. Taassuma utoqqatsernera Hollandip naalagaaffia sinnerlugu utoqqatserneruvoq.
Hollandip ministeriunerata, Mark Ruttep, inussiaateqarneq erseqqilluinnartumik taamani oqaaseqarnermini nassuiaaserpaa, taamanimi ima oqarpoq: ”Nunarsuarmiuussutsimut pinerlunneq”.
Hollandimi Europami inussiaateqarnermik 1800-kkut qiteqqunnerisa missaa tikillugu pissaaneqarnerpaanut ilaavoq.
Hollandimi inussiaateqarunnaarnermiit 150-t qaangiussimalernerat pillugu ukioq manna juulip aallaqqaataata tungaanut inussiaateqarunnaarsimanerup nalliuttorsiornikkut malunnartinneqarnissaa, Hollandimiut naalakkersuisuisa siorna atuutsilerpaattaaq.
