Timersorneq

ASSIT Hockeymik unammisartut Iqalunnut apuulluarput

Iqalunni silarlunnera, angalanissamik pilersaarutit allanngortittariaqarneri hockeymillu unammisartut unamminissaasa pilersaarusiorneqarnerisa allanngortinneqartariaqarsimanerat kajumissutsiminnik suleqataasut unammisussallu nikalluutiginngilaat. Tikeraat tamarmik tikilluaqqusaalluarput naammassisassallu tamaasa pitsaasumik inerneqarlutik, AWG-mik aaqqissuisut taama nalunaarput.

Allattoq Simon Uldum -

marsip 08-at 2016 05:44

Silarlunnerata kingunerisaanik kinguaattoornerit arlaqarnerat hockeymillu unammisartut atortuisa piffissaq eqqorlugu apuussimannginnerat pissutigalugu, AWG2016-imi hockeymik unammisartut silap ajornartorsiortitsinera malugivissorpaat.

Taamaammat AWG-meersup Maliina Abelsenip unammisartut taakku taakkuninngalu aqutsisuusut immikkut isiginiarpai.

- Hockeymik unamminerni angusat nalunaarutigineqallattaalernissaat pissanngatigivarput - aamma unammisartut ammaanersiornermut peqataanngitsoortut timersornerup saniatigut peqatigiinnikkut kulturikkullu misigisassaqartikkumallugit naggataarnersiornissamut nukiit tamaasa atorneqarnissaat neriorsuutigissavara, Maliina Abelsen taama oqarpoq.

- Suut tamaasa ataqatigiissinniarlugit ulluni kingullerni ulapittoqarpoq, Iqalunniilli tusakkakka malillugit kajumissutsiminnik suleqataasut piumassuseqarluarput hockeymillu unammisartunut pitsaasunik atugassaqartitsillutik. Nuanneqaaq. Kajumissutsiminnik suleqataasut qujassutissaqarfigingaatsiarpagut, Maliina Abelsen taama naggasiivoq.

ASSIT Hockeymik unammisartut Iqalunnut apuulluarput

Aamma atuaruk