Hermann: Kommunitut aallartilluarsimanerput qiningaaqqissutaasimassaaq
Qeqqata Kommuniani maanna borgmesteriusup, Hermann Berthelsenip, 514-inik taaneqarluni borgmesteriuinnarnissani naatsorsuutigisinnaavaa.
- Ilaasortassat kikkuuneri paasilluariarutsigit oqaloqatigeereeruttalu aatsaat borgemesteriuner sumut atussanerlugu oqaatigisinnaalissavara aamma Siumut marlunnik ilaasortanik amerlinerput oqallisigisariaqassavarput, Hermann Berthelsen taama oqarpoq.
Qeqqata Kommuniani Siumup taama qinigaalluarsimanera sumik patsiseqarnersoq, Hermann Berthelsenip ima oqaatigaa.
- Qeqqata kommuniarannguunera aamma kommunit marluussut kattunneqarnerisigut illoqarfinni ajornartorsiutaasinnaasut unamminarsinnaasullu assigiinngitsut annikinnerussaneri aallaavigalugit, kommunitut aallartilluarsimavugut, taamaattumillu borgmesteritut qinigaaqqinnera tamassumunnga patsisaasimassaaq, Qeqqata Kommuniani borgmesterinngoqqittussaq taama oqarpoq.