Henning Sloth Pedersen toqukkut qimaguttoq
Sermersuumi nakorsaaneq naapertorlugu, Henning Sloth Pedersen, nakorsaalluartorujussuullunilu suleqataalluartorujussuusimavoq.
- Napparsimasut ikiorusuttorujussuusarpai, kisianni aamma suleqatimik sulisinnaanissaannut sinaakkutissaqarluartinniarlugit isumaginiartarpai. Taamaalluni tusarnaarnissaminut ikiuinissaminullu piareersimasarpoq, aamma inunni arlaanni ajortoqarsoriguniuk ikiuinissaminut piareersimasarluni, Jesper Olesen oqarpoq.
AAMMA ATUARUK Atugarissaarnerup kingunipilui oqalugiaatigilerai
Henning Sloth Pedersen 1979-imi nunatsinnukaqqaarpoq. Qaarsunni ilinniartitsisutut taamani sulivoq, tassanilu kalaallisut oqalussinnaalerluni, kulturitsinnilu paasisaqartorujussuulluni.
Nakorsatut ilinniakkani Danmarkimut naammassiartoriarlugit nunatsinnukaqqippoq, nunattalu peqqinnissaqarfiani toqunissami tungaanut sulilluni.
Henning Sloth Pedersenilu piffissami kingullermi kassuartaatinik atuigaluarluni suliartortarpoq.
- Nakorsiartut arlaatigut anniarisaqarlutik matukkut iserlutik nakorsamik peqqissutsikkut sunneqqasorujussuarmik oqaloqateqartarnerisa ilaat eqqumiissinnaasarunarput. Henningili suliartornissani isumagisarpaa, Sermersuumi nakorsaaneq oqarpoq.
AAMMA ATUARUK Tre prominente personer får tildelt Nersornaat
Henning Sloth Pedersen, nunatsinni nakorsatut ukiorpassuarni sulilluarsimanera pillugu sølviusumik junimi nersornaaserneqarpoq.
