Hashi pillugu suliaq aallarteqqippoq
Suliaq annertummat, inuillu arfineq marluk pineqarmata eqqartuussivimmi suliassanngortitseqqiineq marlunnut avinneqarpoq. Siullermik sapaatit akunnerini marlunni, tassa ullumimiit juulip sisamaata tungaanut eqqartuussineq pissaaq. Kingornalu juulip 30-anit aggustip arfineq pingajuat ilanngullugu suliarineqassalluni.
AAMMA ATUARUK Hashi pillugu suliami unnerluunneqartut illersuisutik allanik taarseraat
Hashi pillugu suliani nunatta oqaluttuarisaanerani annersat ilaanniittumi unnerluutigineqartut arfineq-marluk Eqqartuussisoqarfik Sermersuumit ukioq kingulleq augustimi eqqartuunneqarput.
Angutit arfinillit hashimik 60 kilomit oqinnerunngitsunik aaqqissuussamik anngiortumik 2015-imit 2017-mut eqqussisimasutut eqqartuunneqarput. Unnerluutigineqartorlu kingulleq hashimik 30 kiilungajammik eqqusseqataasimasutut eqqartunneqarpoq.
Eqqartuussat arfineq-marluk tamarmiullutik pinngitsuunerarput.
AAMMA ATUARUK Hashimik anngiortumik eqqussisutut sivisuumik pineqaatissinneqartut
Pineqartut arfineq-marluk tamarmik nunatsinni pinerlussimasunut inissiisarfinni assigiinngitsuni juulip 24-at, 2017-imili tigummigallarneqarput.
AAMMA ATUARUK Aningaasanik nuussisarnerit eqqumiitsut hashi pillugu suliamik aallarniisuupput
