Aningaasanik nuussisarnerit eqqumiitsut hashi pillugu suliamik aallarniisuupput
Politiit unnerluussisuata Tobias Bergip uppernarsaatit ippassaq ullaatungaani saqqummiuppai, taamaalillunilu ikiaroornartoq pillugu eqqartuussineq Grønlandsbankenimit ilisimatinneqartarsimanermik ilaatigut tunngaveqartoq aallartinneqarpoq.
Grønlandsbanken Naalagaaffiup Unnerluussisuani allattoqarfimmut nalunaarutinik apuussisarsimavoq, aningaaserivimmi sullitat ilaata ataatsip aningaasat 90.000 koruunit kontolimmut allamut ikisimagai paasissutissani takuneqarsinnaavoq.
AAMMA ATUARUK Allakkerivimmi sulisut hashimik eqquissueqataapput
2015-imi taama annertutigisumik ikisisoqarnera aningaaseriviup eqqumiigisimavaa, tassami ikisiffigineqartoq ullut 14-ikkaarlugit akissarsigaangami nalinginnaasumik 2.000 koruuninik akissarsiaqartarsimagaluarmat.
Pineqartoq taanna 275.000 koruunit aningaasanngorlugit 2016-imi aamma ikisimavai, taakkulu kontonut allanut marlunnut nuupallassimallugit.
Eqqartuussineq Eqqartuussisoqarfik Sermersuumi ullumi nanginneqassaaq maajillu qulingiluaata tungaanut ingerlanneqassalluni.
AAMMA ATUARUK Hashi allakkatigut nassiunneqartoq
AAMMA ATUARUK Hashi pillugu suliami pasineqartut millionerpassuarnik iluanaaruteqarsimasut