Hashi pillugu suliami pasineqartut millionerpassuarnik iluanaaruteqarsimasut

Hashi pillugu suliami angisuumi qanittukkut eqqartuussivimmi suliarineqartussami unnerluutigineqartut millionerpassuarnik iluanaaruteqarsimapput.
ikiaroornartoq Politi stoffer
Assi © : KNR
Allattoq Inge S. Rasmussen
apriilip 06-at 2018 07:16
Nutserisoq Simon Uldum -

Unnerluutigineqartut hashimik anngiortumik eqqussuinermikkut tuniniaanermikkullu katillugit 16 millionit koruuninik iluanaaruteqarsimasut, inunnut arfineq-marlunnut unnerluussummi atuarneqarsinnavoq.

Unnerluussisussaatitaasut naapertorlugit, unnerluutigineqartut arfineq-marluusut, angutit arfinillit arnarlu ataaseq, hashimik 63 kilomik 27 kilomillu nunatsinnut anngiortumik eqqussuineq peqataaffigisimavaat.

AAMMA ATUARUK Hashi annertooq pillugu eqqartuusisoqalerpoq

Anngiortumik eqqussuineq 2015-imit politiit siorna aasakkut inunnik arlalissuarnik tigusarinninnissaata tungaanut pisimavoq.

Unnerluunneqartut tamarmik unnerluussissutinut pisuunnginnerarput.

Eqqartuussineq Eqqartuussisoqarfik Sermersuumi apriilip 16-iani pissaaq.

AAMMA ATUARUK Hashi pillugu tigusaaqqasut tigummigallarneqarnerat sivitsorneqartoq

AAMMA ATUARUK Politiit hasheernianit 4 millionit koruunit arsaarinnissutigigaat

AAMMA ATUARUK Hashimik tuniniaasutut pasineqarlutik tigummigallagaasut arfineq-marluupput

 

 

 

Aamma atuaruk