Hashi pillugu suliami unnerluunneqartut illersuisutik allanik taarseraat
Hashimik 66 kiilut missaannik anngiortumik eqqussuineq pillugu suliap suliareqqitassanngortinnera Nunatta Eqqartuussisuuneqarfiani aasaru pissaaq.
Sermitsiaq.ag taama allaaserisaqarpoq.
Nunatta Eqqartuussisuunera Kirsten Thomassen naapertorlugu suliareqqitassanngortitsineq sapaatit akunnerini 26-mi, 27-mi kiisalu 31-mi 32-milu pissaaq.
Unnerluutigineqartut arfineq-marluusut Eqqartuussisoqarfik Sermersuumi siorna aggustip qaammataani eqqartuunneqarput. Pineqaatissiinerit ukiunik tallimanik, qaammatinik arfineq-pingasunik, ukiunik pingasunik kiisalu qaammatinik qulingiluanik sivisussuseqarput.
AAMMA ATUARUK Hashimik anngiortumik eqqussisutut sivisuumik pineqaatissinneqartut
Sermitsiaq naapertorlugu unnerluutigineqartut arfineq-marluusut, angutit arfinillit arnarlu ataaseq, illersuisutik eqqartuussissuserisunik Danmarkimeersunik taarserpaat.
Aaqqissuussamik pinerluttuliortoqarsimanera eqqartuussiviup pineqaatissiinermini tunngavilersuutigaa. Eqqartuussisup Johanne Banke Thorupip arlaleriarluni erseqqissaatigaa eqqartuunneqartut aningaaserivimmi kontuinut aningaasarpassuarnik nuussisortarsimasoq, taakkulu nassuiaatissaqartinneqanngitsut.