Hans Enoksen: Naalakkersuisunngortut suliassartik aallartissavaat
Partii Naleqqalli Naalakkersuisunngortut akueralugit tallimanngorpat taaseqataassanersut maannakkorpiaq oqaatigiumanngilaa.
- Naalakkersuisunngortut amerlanerussuteqartunit tallimanngorpat akuerineqarnissaat soorunami naatsorsuutigaara. Uagulli akueralugit imaluunniit itigartitsilluta taaseqataassanersugut maannakkorpiaq oqaatigisinnaanngilara. Partii Naleqqap siulittaasua, Hans Enoksen taama oqarpoq, ilanngullugulu oqaatigaa inuiaqatigiit kalaallit naalakkersuisunikkut aqunneqarnerisa maannannaaq kipitinneqareerluni aallarteqqinnissaanut piffissanngortoq.
- Naalakkersuisunngortut sullisitik atisinnarlugit suliassat aallarteqqittariaqarpaat. Partii Naleqqamit aallaqqaataaniit peqataajumaarpugut tamannalu aamma qilanaaraarput, partiip illuatungiuliuttup Partii Naleqqap siulittaasua Hans Enoksen, Kim Kielsenip Naalakkersuisunngortunik ippassaq ilisarititsereernerani KNR-imut taama oqarpoq.
