Sulisartut Højskoliat: Højskolertut amerleriartut

Sulisartut Højskoliani aallartittartut 20-it missaaniittaraluartut manna 60-it missaaniipput, tamannalu iluarisimaarneqarpoq.

- Ajunngilaq, kammalaatitaartorluni nutaanik, Suulut Arqe oqarpoq

Højskolernissani  pisarisaqartillugu misigisimavoq.

- Uninngakataavillunga atuarfissannik ujaasigama, asuli misiliinarlugu maanga qinnuteqaraluarpunga.

Højskolit pillugit peqqussutip jannuaarip aallaqqaataaniit allanngortinneratigut inuusuttuaqqat inuusuttullu amerlanerit ilinniarfinnut aqqutissiuunneqarnissaat anguniagaavoq. Taamaalilluni højskolernissamut inissat amerlineqarput.

AAMMA ATUARUK Danmarkimi højskoli kalaallinik inuusuttunik nukittorsaaqataalersoq

Ilinniartullu aaqqissuusseqqinnermi assassonermik sammisaqarnerulerput.

Højskolertullu  ilaata ilikkakkani aallaavigalugit  qiperukkani akiginiartalissamaarpai.

- Turistit maanga tikittaqigamik umiarsuarlutik, immaqa turistinut akiginiartassavakka, Erno Simonsen oqarpoq.

Højskolimi atuartuutigineqartartut amerlatsinnerat ulloq manna tikillugu iluatsittumik ingerlasoq Højskolip forstanderia naliliivoq.

- Tassa iluatsilluarpoq ingerlarsoqaat. Taava atuartuutitta amerlinerat iluareqaarput, forstanderi Dorthe Bidstrup oqarpoq. 

Atuartulli atuagarsortippallaarunnaarlugit assassornikkut suliassanik ilinniartinneqarnerulersimapput.

- Massakkut sullivilersortumik atuartitsinerit ingerlapput. Taava tigussaanerusunik atuartitsineq ingerlapparputSuulut Arqe oqarpoq.

AAMMA ATUARUK Højskolit matuneqariaannaapput

Tamannalumi ilikkagaqarfiusimavoq.

- Mersorsinnaangorpunga...hahahahaha.

Atuartuutigineqartut amerlimmata ilinniartitsisut pingasunik ilaneqarlutik massakkut tallimanngorsimapput.

- Ilinniartitsisut imatut annertuumik ulapputissaqarnerulernerannik kinguneqanngilaq. Kisianni sulliviit amerligamik taamaammat ilinniartitsisut amerlipput, Dorhte Bidstrup oqarpoq.

Atuartut naatitsinermik ilinniartinneqartarput.

- Drivhusiliorlutik naatitsisartussaagamik taava naatitsiveeraliornikuupput.

Højskolip kukkukuusivittaarnissaa aamma suliniutigineqarpoq.

-Suliniutigaarput massakkut kukkukuujutitaarnissaq, taavalu aamma anginernik naatitsiviliornissaq. Taava upernariartornerani uku atorlugit namminneq naatitsiveeraliorlutik naatitsisussapput. Takuniarlugu tamakkuninnga suliaqarnermi naatitsineq qanoq ingerlanneqartarnersoq.

Qanorli angitigisumik højskole kukkukuusivittaasanerosoq suli nalunarallarpoq.

- Kukkukuut qanoq amerlatigisut pissarsiarissanerlugit suli aaliangiunneqanngilaq. Apeqqutaagami nunaminertat qinnuteqaatit akuerineqassanersut, forstanderi Dorthe Bidstrup oqarpoq.