Guyanap ilaata tiguarneqarsinnaanissaa Venezuelami qinersisinnaatitaasut tapersersoraat
Amerika Kujallermi nunap Guyanap ilaata Venezuelamit tiguarneqarsinnaanissaa, Venezuelami innuttaasut taasitinneqarmata amerlanerussuteqarluartut akuersissutigaat.
Venezuelap præsidentia, Nicolas Maduro, innuttaasut sapaammi taasitinneqareersullu taama ilisimatitsivoq.
Venezuelami innuttaasut taasitinneqarnissaasa unitsinneqarnissaa, nunat tamalaat eqqartuussiviata tallimanngormat kaammattuutigaa.
Guyanami nunap immikkoortua Venezuelamit tiguarniarneqartoq, Danmarkip sisamariaatingajaattut annertutigaaq. Nunap immikkoortua Esequibo uani pineqarpoq, uuliaqarluarsinnaaneralu ilimagineqarluni.
Venezuelami qinersisinnaatitaasut 51 procentiisa missaat sapaammi taasiartorput, taakkunanngalu 96 procentii isumaqarput Venezuelap Guyanap ilaa tiguarsinnaagaa.
