Venezuela Trumpip Maduro ataasimeeqatigiumanngilaa
Venezuelap præsidentia Nicolas Maduro, saamerlerneersoq, Donald Trumpimik ataatsimeeqatiserinnissimasoq, Trumpip oqaatigaa, ataatsimiinnissarli itigartitsissutigisimagaa, Trumpip ilanngullugu oqaluttuaraa.
- Aap, ataatsimeeqatiserivaanga, itigartipparali, Donald Trump, tv-qarfimmit CBS-imit apersorneqarluni ilaatigut oqarpoq.
Nicolas Madurop, Venezuelami præsidentimut qinersisoqarnissaanut suaaruteqarnissaanut Frankrigip, Tysklandip Spaniallu ullumimut killilerpaat. Taamaaliunngippat nunat pingasut taakku naalakkersuisuisa, Venezuelami inatsisartut siulittaasuat Juan Guaidó, Venezuelami præsidentiugallartutut akueriniarpaat.
Danmarkip Juan Guaidó Venezuelami præsidentiugallartutut akuerereerpaa. Nunanut allanut tunngasunut ministerip Anders Samuelsenip Twitterikkut ullumi oqaatigaa Guaidó oqarasuatikkut attaveqarfigisimallugu. Venezuelami innuttaasut tamat oqartussaaqataanerat pillugu sukataaruteqarnerat Danmarkimit tapersersorneqarnera, Samuelsenip Guaidómut oqaatigaa.
Venezuelami politikkikkut aaqqiagiinngissutit aaqqiivigineqarnissaat pillugu EU-mi ministerit, latinamerikamilu ministerit, Uruguayip illoqarfiisa pingaarnersaanni Montevideomi sisamanngorpat ataatsimiinniartut, EU-p nunanut allanut tunngasunut qullersaata Federica Mogherinip ullumi ilisimatitsissutigaa.