Grindavikimi innuttaasut qaqqamik innermik anitsisoqarmat qimagussorneqaleruttortut
Qaqqaq Islandimi Reykjanesip qeqertaasaaniittoq innermik siorna decembarimili arfineq-aappassaa anitsivoq.
Illoqarfik aalisartoqarfik Grindavik 4000-t missaannik innuttaqarpoq, inuilli taamaallaat 50-it 60-illu missaat pingasunngornermi unnukkut illoqarfimmiittut, politiit pisortaata nalilerpaa.
Allattoq Ritzau
novembarip 21-at 2024 08:39
Nutserisoq Mads Lynge
Islandip kimmut kujasissortaani qaqqaq innermik anitsisartoq innermik pingasunngornermi unnukkut anitseqqilerpoq.
Islandimi nutaarsiassaqartitsivik RUV taama allappoq.
Tamaani qaqqaq siorna decembarimili arfineq-aappassaa innermik anitsilerpoq.
Qaqqap innermik anitsisup eqqaaniittumi illoqarfimmi Grindavikimi innuttaasut qimagussorneqaleruttorput. Lavali illoqarfiup tungaanut ingerlaanngitsutut isikkoqartoq oqaatigineqarpoq.
Qaqqaq innermik anitsisartoq ukiorpassuarni anitsisimanngeriarluni innermik 2021-mili qulissaa maanna anitsivoq.
Illoqarfik aalisartoqarfik Grindavik 4000-t missaannik innuttaqarpoq, inuilli taamaallaat 50-it 60-illu missaat pingasunngornermi unnukkut illoqarfimmiittut, politiit pisortaata nalilerpaa.
