Zelenskyj: Grækerit ukranemiut timmisartortartui F-16-inik aqutsinermik sungiusaanissamik neqeroorput

Ukranemiut timmisartortartui timmisartunik F-16-inik aqutsisinnaalernissaannik griikerit sungiusaasuunissaminnik neqerooruteqarput.

Nunat aqqanillit – matumani aamma Danmark ilaalluni - timmisartortartunik sungiusaaniarput.

Allatut ittumik aamma ikiorneqalerlutik, ukrainemiut siuttuat Zelensky Athenimut pisortatigoortumik ataasinngorrmi tikeraarnermini aamma unnersiorpoq.

- Silaannarmi pisussamut tunngasumik pingaarutilimmik isumaqatigiissuteqarpugut: Grækenlandimi ukrainemiut timmisartortartuinut neqeroorpoq F-16-imik timmisinnaalernissaannik sungiusaasinnaallutik, neqeroorummullu qujanaq, Zelensky oqartoq nutaarsiassaqartitsivik AFP allappoq.

Nunat aqqanillit timmisartumik sorsuummik F-16-imik atuisinnaanermik sungiusaanissamut nunat nalunaartut tassaapput: Danmark, Holland, Belgia, Canada, Luxembourg, Norge, Polen, Portugal, Rumænia, Sverige aamma Tuluit Nunaat.

Oqaatigineqarporlu Danmark aamma Rumænia sungiusarfittut atorneqassasut, neriuutigineqarporlu timmisartortartut siusinnerpaamik 2024-mi sungiusarnerminnik naammassiumaartut.

Zelenskyj inuit qarasaasiakkut naapittarfiisigut oqarpoq, grækerit ministeriunerat Kyriakos Mitsotakis aamma pilersaartoq sakkutooqarnerup tungaatigut Ukrainemiunut aamma allamik ikiuunnissaminik pilersaarluni.

Siuttut taakku marluk naapinnerminni aamma eqqartorsimavaat, Grækenland Ukrainep karriutaanik Sortehavekkut ingerlassassanik qanoq ililluni ikiuussinnaassanersoq, aammalu Ukrainep siumut aallaqqinnissaanut Grækenland qanoq peqataatigisinnaanersoq eqqartorsimallugu.

Zelenskyj aamma Hollandimut, Sverigemut aammalu Danmarkimut maanna tikeraareersimalerpoq, Danmarkimiillu neriorsorneqarpoq timmisartunik F-16-inik katillugit 19-inik Ukraine Danmarkimit ikiorserneqassasoq.