Assi: GME

GME tusarniaaqqaarnerup kingorna alloriaqqinnissaminut piareertoq

Greenland Minerals and Energyp (GME) Kuannersuarni suliniutaa pillugu tusarniaaqqaarneq naammassineqarpoq, taamaalilluni piareersaataasumik suliaqarneq naammassivoq.

Tusarniaaqqaarneq ingerlatseqatigiiffiit soqutigisaqatigiinnut aamma oqartussaasunut, kommunit pingaarutillit ilanngullugit suliniummi piffissami siusissukkut attaveqarnermik pilersitsinissaannik siunertaqarpoq, tamanullu ammasumik tusarniaanissaq sapaatit-akunnerinik arfineq-pingasunik sioqqullugu ingerlanneqartussalluni.

Ingerlatseqatigiiffinni siullersaalluni tusarniaaqqaarnermik naammassisaqarnini GME-p nuannaarutigaa. Tamatumunngalu peqatigitillugu aatsitassarsioqatigiiffiup tusarniaaqqaarneq suliniutiminut pingaartutut taavaa.

AAMMA ATUARUK GME inaarutaasumik qinnuteqaateqarnissaminut piareerpoq

Namminersorlutik Oqartussat tusarniaaqqaarnermut atatillugu sukumiisumik nalunaarsukkanik saqqummiussaqarput, tassanilu ilaatigut ICC-p, WWF-p, Kanukokap aamma Kommune Kujalliup tusarniaanermi akissutaat ilaapput.

Soqutigisaqartut katillugit 13-it tusarniaaqqaarnermut akissuteqarsimapput.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl