GME inaarutaasumik qinnuteqaateqarnissaminut piareerpoq
GME-p Kuannersuarni suliniut 2007-miilli pimoorullugu ingerlappaa. Meterinik untritilinnik arfinilinnik portussusilimmi misissueqqaarnerit ingerlanneqareersimapput, taamatuttaaq akilersinnaassusianut misissuinerit ingerlanneqareerlutik. Inuiaqatigiinnut avatangiisinullu kinguneqaataasinnaasunik misissuinerit maannakkorpiaq naammassiniarneqaleruttorput.
- Neriuutigaarput tamakkua tamaasa, piiaanissamut qinnuteqaat ilanngullugu, ukiut nikinneranni Namminersorlutik Oqartussanut tunniussinnaassallutigit, Johannes Kyed, GME-mi Corporate Social Responsibilitymi pisortaq oqarpoq.
AAMMA ATUARUK Kuannersuarni piiaavik sipaaruteqartoq
Namminersorlutillu Oqartussanut alloriarneq tulleq tassaavoq qinnuteqaateqarnermi atortussat tamaasa piumasaqaatinik naammassinninnersut naliliiffigissallugit. Tamatumalu kingorna tusarniaasoqassaaq.
Atortussiallu assortuussutaanerpaasut tassaapput aatsitassat uranimik akullit.
- Qaarsumit piiakkamit 1 tonsimit urani 350 grammit missaanniippoq, Johannes Kyed aviisimut Sermitsiamut taama nassuiaavoq.
GME-p naatsorsuutigaa isertitat 10-15 procentiisa missaanniittut uranimit isertitsissutaasassasut. Isertitat 80 procentiisa missaat atortussiassanit qaqutigoortunit pissarisarineqassasut, aviisi taama allappoq.
AAMMA ATUARUK Kuannersuarni piiaavissaq siusinnerpaamik 2019-imi aallartissinnaassasoq